Jam frymëzuar nga një ngjarje konkrete që ka ndodhur gjatë okupacionit të dimrit kur gjermanët dhe ballistet ndërmorën një operacion të gjatë për azgjesimin e formacioneve luftarake partizane si dhe të bazës e prapavijës së saj. Por jam inkurajuar edhe nga ish partizanë e banorë mallakastriot të cilet më ftuan dhe më krijuan të gjitha kushtet optimale në Hekal që ta realizoja sa më mirë veprën. Një rol nxitës ka luajtur edhe sekretari i partisë në qytetin e Fierit,sh. Piro Dodbiba.
Në Hekal qëndrova një muaj. U njoha më mirë me ngjarjen, me vëndin dhe bëra shumë studime tipash, karaktere fshatarësh në vizatime dhe me ngjyrë vaji.

Tabllosë i kam dhënë një zgjidhje monumentale të figurave e pejzazhit, pa lëvizje por me një dinamizëm të brëndëshëm për të dhënë idenë e qëndrueshmëris, trimëris dhe të pavdekshmëris të anëtarëve të këshillit të cilët siç dihet historikisht , Këshillat N.ÇL. kanë luajtur një rol vendimtar si prapavijë dhe bazë për formacionet luftarake partizane.Ndodhet në Galerin Kombëtare të Atreve. Kjo vepër është e njohur dhe e propoganduar gjërësisht.

<<< Për tu kthyer në listën e veprave